TJ rejımi: Premer-Mınıstr memlekettik satyp alýdyń arnaıy tártibin bekitti
NUR-SULTAN. QazAqparat – QR Premer-Mınıstri Asqar Mamın tótenshe jaǵdaı rejımi kezeńinde memlekettik satyp alýdyń arnaıy tártibin belgileıtin Qaýlyǵa qol qoıdy, dep habarlaıdy QazAqparat.
Taratylǵan qujatqa Qosymsha qosa berilgen.
* * *
Qazaqstan Respýblıkasy Úkimetiniń 2020 jylǵy 20 naýryzdaǵy №127 Qaýlysy
Memlekettik satyp alýdyń arnaıy tártibin anyqtaý týraly
«Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵynyń 1-tarmaǵynyń 4) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:
1. Qosa berilip otyrǵan memlekettik satyp alýdyń arnaıy tártibi bekitilsin.
2. Qazaqstan Respýblıkasynyń Qarjy mınıstrligi Qazaqstan Respýblıkasynyń Prezıdentine tikeleı baǵynatyn jáne esepberetin memlekettik organdarmen (kelisý boıynsha), ortalyq memlekettik organdarmen jáne jergilikti atqarýshy organdarmen birlesip,osy qaýlydan týyndaıtyn sharalardy qabyldasyn.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri A. Mamın
