TJ: Óńirlerdegi ahýal qalaı

NUR-SULTAN. QazAqparat – Jergilikti bıliktiń habarlaýynsha, SQO, BQO jáne Qostanaı oblysynda túnde eshqandaı tártipsizdik bolmaǵan, jaǵdaı baqylaýǵa alynǵan, dep habarlaıdy QazAqparat «Habar 24» saıtyna silteme jasap.

Túrkistan oblysynda quqyqtyq tártipti qamtamasyz etýge azamattyq belsendiler tartyldy. Jergilikti bıliktiń aıtýynsha, jaǵdaı baqylaýda. Oblys ákiminiń tóraǵalyǵymen quqyq qorǵaý organdarynan jedel shtab jumys istep jatyr.

Qaraǵandy oblysynyń turǵyndary úshin qazirgi jaǵdaıǵa qatysty 109 nómirimen qaýyrt jeli ashyldy.

Aqmola oblysynda qoǵamdastyqtyń bastamasymen eriktiler toby quryldy. Olar qoǵamdyq tártipti saqtaýǵa kómektesip jatyr. Oǵan sportshylar, qarýly kúshter ardagerleri, qoǵamdyq uıym ókilderi kirgen.

Shymkentte jarylystan keıin qalalyq ınfraqurylym nysandary qatty zardap shekti. Qalada jedel shtab quryldy.

Atyraý oblysynda 6 qańtar keshkisin narazylyq bildirýshilerdiń negizgi toby ózdiginen alańnan ketken. Qalǵany qoǵamdyq tártipti buzǵany úshin ustaldy jáne qalalyq polıtsııa basqarmasyna jetkizildi. Qazir óńirdegi jaǵdaı turaqtalyp jatyr.