TJ ókili tótenshe oqıǵaǵa kýá bolǵan adamdardyń áreketsizdigine narazylyq bildirdi
PAVLODAR. QazAqparat - Pavlodar oblysy boıynsha TJD basshysy Abaı Temirbaev tótenshe oqıǵaǵa kýá bolǵan adamdardyń áreketsizdigine narazylyq bildirdi, dep habarlaıdy «QazAqparat» HAA tilshisi.
«Keshegi oqıǵany alaıyq, avtobýs janyp jatyr, ol jerdegi adamdar maǵan qońyraý shalyp avtobýs órtenip jatqanyn aıtady. «101-ge qońyraý shaldyńdar ma?» desem «joq» deıdi. Adamdardyń osy áreketsizdigin qalaı túsinýge bolady. Avtobýs bolsa janyp jatyr, olar oqıǵany túsirip tezirek Instagram jelisine júkeýge asyǵady. Aldymen 101-ge qońyraý shalý kerek, odan keıin ne isteseń óziń bil», - deıdi TJD basshysy.
A. Temirbaevtyń aıtýynsha, kýágerler oqıǵa ornyna qutqarýshylar shaqyrmas buryn aldymen kóz aldylaryndaǵyny vıdeoǵa túsiredi. Osy qymbat mınýttardyń ishinde bireýdiń ómirin qutqaryp qalýǵa bolatynyn esimizden shyǵarmaýymyz qajet.
Jınalysta málim etilgendeı, 2018 jyl bastalǵannan beri Pavlodar oblysynda 8 adam órtten kóz jumypty.
