TJ mınıstri «Ertis Ormany» aýmaǵyndaǵy órtti joıý jumystaryn jeke baqylaýda

ASTANA. QazAqparat - TJ mınıstri Syrym Sháriphanov «Ertis Ormany» aýmaǵyndaǵy órtti joıý jónindegi jedel jumystardy jeke baqylaý úshin Pavlodar oblysyna attandy, dep habarlaıdy QR TJM baspasóz qyzmeti.

Ushyp aralaý jáne jaǵdaıdy baǵalaý júrgizildi, kúshter men quraldardy tıimdi paıdalaný boıynsha nusqaýlar berildi.
Qazirgi ýaqytta Syrym Sháriphanov jedel shtabta, jaǵdaıdyń epıtsentrinde,«Ertis Ormany» órt ornynda.

Aıta keteıik, buǵan deıin órt sóndirýshiler Pavlodar oblysynyń Sharbaqty aýdanyna qarasty Súgir aýylynda tutanǵan orman órtin áli sóndire almaı jatqanyn habarlaǵan edik. Qazirgi ýaqytta tilsiz jaý 600 gektar aýmaqty sharpyp úlgerdi.