TJ qyzmeti jer silkinisine baılanysty Jambyl jáne OQO turǵyndary úshin shuǵyl jeli ashty

ASTANA. QazAqparat - Aýǵanstanda bolǵan qýatty jer silkinisin Jambyl jáne Ońtústik Qazaqstan oblystarynyń turǵyndary sezindi.

QR ІІM TJ boıynsha komıtetiniń baspasóz qyzmetinen habarlaǵandaı, jerasty dúmpýleriniń Qazaqstan jerinde sezilgeni týraly derek bar: Shymkent - 4 ball, Taraz - 3-4 ball shamasy. Qaza tapqandar men zardap shekkender týraly málimet kelip túsken joq.

Jer silkinisi faktisi boıynsha shuǵyl jeli iske qosyldy: Jambyl oblystyq TJD - 8-7262-51-35-75, 8-7262-51-40-67, OQO TJD - 8-7252-44-94-72, 8-7252-99-70-27, QR ІІM TJK Astana qalasyndaǵy daǵdarys jaǵdaılarynda basqarý ortalyǵy - 8-7172-32-32-76.

Eske sala keteıik, «QR BǴM ǴK STÁE» MM seısmıkalyq stansalar jelisiniń habarlaýynsha, búgin, 26 qazan kúni Almaty ýaqyty boıynsha saǵat 15.09-da jer silkinisi tirkeldi.

Zilzala oshaǵy Aýǵanstan aýmaǵynda, Almaty qalasynan ońtústikke-batysqa qaraı 904 shaqyrym qashyqtyqta ornalasqan. Jer silkinisiniń energetıkalyq synyby - 15.2. Magnıtýdasy - MPV 7.2.

Tereńdigi - 150 shaqyrym.