TJ Komıteti kúshterimen 2 608 adam qutqaryldy, 6 136 órt sóndirilip, 24,1 mlrd. teńgeniń materıaldyq qundylyqtary aman qaldy
ASTANA. QazAqparat - Búgin Іshki ister mınıstriniń orynbasary V.K.Bojkonyń tóraǵalyǵymen «2015 jyldyń ekinshi toqsanyndaǵy QR ІІM Tótenshe jaǵdaılar komıtetiniń jedel qyzmettik áreketiniń nátıjeleri jáne úshinshi toqsanǵa qoıylǵan mindetteri týraly» máselesi boıynsha jedel keńes ótti.
Kún tártibindegi másele boıynsha QR ІІM Tótenshe jaǵdaılar komıteti tóraǵasynyń mindetin atqarýshy órtke qarsy qyzmet general-maıory S.Ǵ.Áýbákirov baıandama jasady. «Birinshi jartyjyldyqta Komıtettiń kúshterimen 2 608 adam qutqarylyp, 3973 adam TJ aımaǵynan evakýatsııalanǵan, 3750 adamǵa alǵashqy medıtsınalyq, zardap shekken 466 adamǵa psıhologııalyq kómek kórsetilgen. Avarııalyq-qutqarý jumystaryna 25 500 shyǵý bolyp, nátıjesinde 6 136 órt sóndirilgen, 24,1 mlrd. teńgeniń materıaldyq qundylyqtary aman alyp qalynǵan», - dep atap ótti S.Ǵ.Áýbákirov óz sózinde.
Joǵary tıimdiligin kórsetken kúrejol medıtsınalyq-qutqarý beketteriniń qyzmetshileri 713 ret JKO bolǵan jerge bardy, 2 426 zardap shekken adamǵa medıtsınalyq kómek kórsetildi jáne 608 adam aýrýhanaǵa jatqyzyldy. Kúrejol beketterine tıesili aýmaqtarda ólim kórsetkishi 12%-dy qurap, olardyń qyzmeti el avtojoldaryndaǵy zardap shegýshilerdiń sanyn tómendetýde taǵy da joǵary tıimdilik kórsetip otyr. Atalǵan jumystar aıasynda jol-patrýldik qyzmetpen ózara árekettesý retke keltirilgen.
Qutqarý avıatsııasymen 400 ushý júzege asyrylyp, 2165 naýqas tasymaldanǵan, 39 keńes júrgizilip, 8 jedel operatsııa jasaldy.
Jalpy eseptik kezeńde respýblıka boıynsha tabıǵı jáne tehnogendik sıpattaǵy TJ sany 13,1%, al zardap shekkenderdiń sany 5,6% tómendegeni baıqalady.
Jedel qyzmettik árekettiń nátıjeleri boıynsha Aqmola, Jambyl, Qaraǵandy, Ońtústik Qazaqstan jáne Soltústik Qazaqstan oblystary TJ departamentteriniń bastyqtary tyńdaldy.
Jıyn qorytyndysy boıynsha tótenshe jaǵdaılardy barynsha jáne olarda adamdardyń qaıtys bolýyn azaıtý, jedel qyzmettik áreketti jetildirý týraly tıisti tapsyrmalar berildi, dep habarlady QR ІІM TJ komıtetiniń Memlekettik til jáne aqparat basqarmasy.
