TJ komıteti Astanada bolǵan órttiń mán-jaıyn habarlady
ASTANA. QazAqparat - Astanada dóner ázirleıtin ǵımarattan shyqqan órtten zardap shekkender joq, dep habarlady QazAqparatqa QR ІІM Tótenshe jaǵdaılar komıtetiniń resmı ókili Rýslan Imanqulov.
«Saǵat 01.08-de Saryarqa aýdanyndaǵy Bógenbaı batyr dańǵylynda ornalasqan dóner ázirleıtin bir qabatty ǵımaratta gaz-aýa qospasynyń jarylysy boldy. Órt aýmaǵy 40 sharshy metrdi qurady. Jalyn saǵat 01.15-te óshirilip, 02.00-de aýyzdyqtaldy. Qurbandar men zardap shekkender joq», - dep atap ótti Rýslan Imanqulov.
Tótenshe jaǵdaıdy joıýǵa 3 tehnıka men 11 órt sóndirýshi jumyldyryldy.
Buǵan deıin habarlaǵanymyzdaı, Astanada dóner ázirleıtin ǵımaratta órt shyqty.
Eske salaıyq, ótken jyldyń qarasha aıynda elordada dóner dúńgirsheginde bolǵan órtten bir adam zardap shekken bolatyn.
23 qarasha kúni saǵat 17.47-de Manas kóshesi 5 meken jaıynda bolǵan órt týraly aqparat kelip tústi. Alǵashqy órt sóndirýshiler oqıǵa ornyna jetken kezde 40 sharshy metr aýmaq jalyndap jatty. Dóner dúńgirshegi gaz ballonynyń atylýynan otqa oranǵan, ol tolyqtaı janyp ketti. Sol mańnan ótip bara jatqan 1977 jylǵy er adam zardap shegip, aýrýhanaǵa jetkizildi», - delingen TJD habarlamasynda. Tilsiz jaýdy aýyzdyqtaýǵa úsh tehnıka men 27 qutqarýshy jumyldyryldy .
Sondaı-aq Almatyda 2015 jyldyń qazanynda «optovka» degen atpen tanymal «Juldyz» bazary otqa oranǵan bolatyn. Órt dóner dúńgirsheginen shyqqan. Ol ýaqytta tilsiz jaý 300 metr aýmaqty sharpydy.
