TJ kezinde jumys istegen qostanaılyq dárigerlerden ústemeaqyny qaıtarýdy talap etken

QOSTANAI. QazAqparat - Rýdnyı aýrýhanasynyń eki dárigeri oblystyq ishki memlekettik aýdıt departamentiniń uıǵarymy boıynsha karantın kezindegi jumys ýaqyty úshin jalaqyǵa ústemeaqyny qaıtarýǵa tıis bolǵan. Bul oqıǵa dárigerlerdiń paıdasyna sheshildi, dep habarlaıdy QazAqparat tilshisi oblystyq sottyń baspasóz qyzmetine silteme jasap.

Qostanaı oblysy boıynsha ishki memlekettik aýdıt departamenti koronavırýs ınfektsııasymen kúreske bólingen bıýdjet qarajatyn paıdalaný máselesi boıynsha tekserý júrgizgen. Іs barysynda eńbek zańnamasynyń talaptary buzylǵany anyqtaldy. Atap aıtqanda, QR Densaýlyq saqtaý mınıstriniń buıryǵymen belgilengen dárigerlerge negizsiz ústemaqy tóleý anyqtalǵan.

Aýdıtorlyq qorytyndyǵa sáıkes, eńbek zańnamasynyń buzylýy ústeme aqy tóleý dárigerlerdi aýystyrý jáne eńbek shartyna ózgerister engizý týraly buıryqtarsyz júzege asyrylýynan boldy. Tekserý qorytyndysy boıynsha aýrýhananyń kirisine 2 mln teńgege jýyq somany qalpyna keltirý týraly uıǵarym shyǵaryldy, ol ınfektsııalyq statsıonardaǵy jumysy úshin eki dárigerge ústemaqy túrinde tólengen. Shyǵarylǵan uıǵarymdy oryndaýdyń saldary: dárigerlerdiń tólengen ústemeaqyny qaıtarýy«,-dep túsindirdi oblystyq sottyń baspasóz qyzmeti.

Sot alqasy aýrýhananyń apellıatsııalyq shaǵymy boıynsha bul isti qaıta qarap, eńbek zańnamasynyń buzylýy resmı sıpatta bolǵanyn anyqtady. Dárigerler 2020 jylǵy sáýir – tamyzda belgilengen tótenshe jaǵdaı jáne karantın rejımi kezeńinde statsıonarda dárigerlik qyzmetti júzege asyrdy. Talap aryzdy qanaǵattandyrý týraly jańa sheshim shyǵaryldy.

Avtory: Janna Mýsabaeva