TJ kezinde Qazaqstanda qalyp qalǵan sheteldikter sanktsııasyz el aýmaǵynan shyǵa alady
NUR-SULTAN. QazAqparat – Tótensha jaǵdaı kezinde Qazaqstanda qalyp qalǵan sheteldikter eshqandaı sanktsııasyz, qosymsha qujattardy rásimdemeı, el aýmaǵynan shyǵyp kete alady, dep habarlaıdy QazAqparat tilshisi.
«Tótenshe jaǵdaı ýaqytynda Qazaqstan aýmaǵyna ýaqytsha kelgen jáne belgilengen merzimde eldi tastap kete almaǵan kóship kelýshilerge ákimshilik quqyqbuzýshylyq týraly kodeksindegi sanktsııalar qoldanylmaıdy. Osy jyldyń 10 shildesine deıin sheteldikter qandaı da bir qosymsha qujattardy rásimdeýsiz Qazaqstan aýmaǵynan shyǵyp kete alady. Sottyń shyǵaryp jiberý týraly zańdy kúshine engen sheshimderi bar adamdar belgilengen merzimde shyǵyp ketýge mindetti», - dedi QR ІІM Polıtsııa polkovnıgi, kóshi-qon qyzmeti komıtetiniń basqarma bastyǵy Asqar Aldońǵarov OKQ-daǵy baspasóz máslıhatynda.
Onyń aıtýynsha, QR-da qalǵysy keletin kóship kelýshilerde negizderi bolǵan jaǵdaıda óziniń mártebesin retteýge quqyǵy bar.
«Máselen tótenshe jaǵdaı rejımi aıaqtalǵan kúni elimizdiń aýmaǵynda mártebesi rettelmegen shamamen 115 myń sheteldik boldy. Onyń ishinde 25 maýsymdaǵy jaǵdaı boıynsha 4 myń sheteldikke vıza berilip, rásimdeldi. 17 myń sheteldikke ýaqytsha turý ruqsaty tapsyryldy. 78 myń eńbekshi kóship kelýshige ruqsat berilip, olardyń osynda bolý merzimi uzartyldy. Qazaqstannan 33 myń adam shyǵyp ketti», - dedi ol.
ІІM osy rette sheteldik azamattarǵa tezirek mártebesin aıqyndap alýdy eskertti.
