TJ: Qazaqstanǵa kirgizilmegen sheteldik mamandardy almastyratyndar izdestirilýde

NUR-SULTAN. QazAqparat – Qazaqstanǵa kirýi shektelgen qytaılyq jumysshylardyń ornyna jergilikti turǵyndardan mamandar izdestirilip jatyr. Bul týraly Ortalyq kommýnıkatsııalar qyzmetinde ótken baspasóz máslıhatynda Energetıka vıtse-mınıstri Áset Maǵaýov aıtty, dep habarlaıdy QazAqparat tilshisi.

«Birqatar memleketten sheteldik jumysshylardyń elimizge kirýine qoıylǵan shekteýlerge baılanysty joǵary bilikti mamandardy aýystyrý úshin jergilikti eńbek naryǵynda izdestirý (mamandardy) jalǵasady. Mysaly qazirgi ýaqytta KRІ jobasynda barlyǵy 397 qytaı azamaty jumys atqarýda. Engizilgen shekteýge baılanysty 161 qytaılyq azamat QHR-dan kirgizilmedi. Premer-Mınıstrdiń tapsyrmasyn oryndaý úshin Energetıka mınıstrligi Eńbek jáne halyqty áleýmettik qorǵaý mınıstrligimen, Atyraý oblysynyń ákimdigimen, «QazMunaıGaz» kompanııasymen birge ol mamandardy jergilikti personalmen aýystyrý boıynsha sharalardy ázirledi», - dedi Áset Maǵaýov.

Onyń aıtýynsha, búgingi kúni Atyraý oblysynyń ákimdigi men KRІ mamandarynyń qatysýymen jergilikti kadrlardy qabyldaý boıynsha arnaıy komıssııa quryldy.

«Osy komıssııanyń jumysyna baılanysty 50-ge jýyq azamat jumysqa ornalastyryldy», - dedi ol.