TJ departamenti elordanyń sol jaǵalaýynda bolǵan órtke pikir bildirdi
NUR-SULTAN. QazAqparat – Nur-Sultan qalasy Tótensh jaǵdaılar departamenti memlekettik órt baqylaý basqarmasynyń basshysy Erkin Otarǵalymuly Aqorda mańy men D. Qonaev kóshesinde bolǵan órt jóninde pikir bildirdi, dep habarlaıdy QazAqparat tilshisi.
«Keshe saǵat 14:06-da 101 qyzmetine D. Qonaev kóshesiniń boıynda terek mamyǵynyń órtengeni týraly habar kelip tústi. Órt sóndirý bólimsheleri saǵat 14:13-te shaqyrý ornyna kelip, 250 sharshy metr aýmaqta terek mamyǵy órtengenin anyqtady. Saǵat 14:29-da órt tolyǵymen sóndirildi. Oqıǵa saldarynan eshkim zardap shekken joq. Órt sóndirý bólimsheleriniń úılesimdi is-qımyly arqyly ot memlekettik menshik jáne sharýashylyq júrgizý nysandaryna ótken joq», - dedi E. Otarǵalymuly.
Onyń aıtýynsha, terek mamyǵynyń órtený faktileriniń barlyǵy adamdardyń otty abaısyz paıdalanýynan bolady. Keshegi jaǵdaı da dál sondaı.
Aıta keteıik, bir ǵana 24 mamyrda Nur-Sultan qalasy Tótenshe jaǵdaılar departamentiniń Órt sóndirý bólimsheleri terek mamyǵynyń janýyna baılanysty 53 ret órt oryndaryna shyqty.
