TJ baılanysty shaıbaly hokkeıden QR chempıonaty jeńimpaz anyqtalmastan toqtatyldy
NUR-SULTAN. QazAqparat – Qazaqstannyń shaıbaly hokkeı federatsııasynyń keńsesinde klýbtar basshylarymen shuǵyl otyrys ótti, dep habarlaıdy QazAqparat tilshisi.
Budan buryn federatsııa basshylyǵy el birinshiligin belgisiz merzimge deıin shegerý týraly sheshim qabyldaǵan bolatyn. Buǵan álemdi dendegen koronavırýs derti sebep boldy.
Búgingi otyrystyń qorytyndysy boıynsha, erler komandalary arasyndaǵy QR chempıonatyn aıaqtaý týraly resmı sheshildi.
«2019-2020 jylǵy QR ashyq chempıonatyn jeńimpazdyń anyqtalýynsyz aıaqtaý týraly sheshim qabyldandy. Klýbtardyń bárine oıynshylar, bapkerler men komanda personaldary aldynda aılyqtary boıynsha barlyq mindettemeni oryndaýǵa keńes berildi», - dep habarlady federatsııadan.
Áıtse de chempıonattyń geografııasyn keńeıtý jumystary áli de júrgizilip jatyr. Atap aıtqanda, QR ashyq chempıonatyna 2020-2021 jyly Birikken Arab Ámirlikteriniń Ábý-Dabı ámirliginiń bir bóligi sanalatyn Ál Aın qalasynan ótinim túskenin málim etti. Qazirgi tańda atalmysh másele sheshilip jatyr.
