TJ: Ádilet mınıstri sot oryndaýshylarynan jumysty toqtatpaýdy usyndy
«Sot oryndaýshylaryna jumysty toqtatpaı, onlaın rejımge kóshýdi usynamyz. Sot oryndaýshylary bul jaǵdaıǵa jaqsy daıyndalǵan. Olarǵa arnalǵan elektrondy júıe jumys isteıdi. Olar osy júıe arqyly jumys isteı alady. Sot oryndaýshylary medıator retinde shyǵyp, eki tarapqa tıimdi ortaq sheshimge kelýge qolǵabys ete alady», - deıdi QR Ádilet mınıstri Marat Beketaev.
QR Ádilet mınıstrligi Sot aktilerin oryndaý departamentiniń dırektory Darhan Igembaev sot oryndaýshylaryna qashyqtan jumys isteýge jaǵdaı jasalǵanyn aıtty.
«Bizdiń baza arqyly qashyqtan jumys isteýge bolady. Bazada ortalyq memlekettik organdardyń 52 servısimen jáne barlyq ekinshi deńgeıli bank servısterimen baılanys ornaǵan. Bul sot oryndaýshylarynyń jumysyn aıtarlyqtaı jeńildetedi jáne qashyqtan jumys isteýge múmkindik beredi», - deıdi ol.
