Tyıym salynǵan jerge shomylǵan eki astanalyq menıngıt juqtyrǵan
ASTANA. QazAqparat – Elordada tyıym salynǵan jerde shomylǵan eki azamattan serozdy menıngıt anyqtaldy. Bul týraly Astana qalasynyń bas memlekettik sanıtarlyq dárigeri Sarqyt Beısenova málim etti, dep habarlaıdy QazAqparat tilshisi.
«Jaz bastalysymen halyq arasynda profılaktıkalyq túsindirý jumystaryn júrgizemiz. Turǵyndarǵa ruqsat etilgen jerlerde ǵana shomylý kerektigi eskertiledi. Mamyr aıynan bastap kúnmen qatar sý da jylıdy. Sáıkesinshe túrli ınfektsııalar kóbeıe túsip, juqpaly aýrýlardyń artýyna alyp keledi. Ásirese, ashyq sý qoımalary men sýburqaqtarda. Ruqsat etilmegen jerde shomylý kezinde ınfektsııa juqtyrý qaýpi joǵary», - dedi Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.
Mamannyń aıtýynsha, shomylý kezinde enterovırýstyq ınfektsııadan basqa, ishek ınfektsııalary jáne A vırýstyq gepatıtin juqtyrýy múmkin.
«Shomylý maýsymy bastalǵaly eki astanalyq ruqsat etilmegen jerde sýǵa túsip, saldarynan serozdy menıngıt juqtyrǵan. Ótken jyly osy kezeńde 6 adamnan serozdy menıngıt anyqtaldy», - deıdi elordanyń bas sanıtary.
Buǵan deıin eki elordalyq jasóspirimnen AITV anyqtalǵany týraly habarlaǵan edik.
