Tyıym salynǵan zattardy temir tordyń ar jaǵyna ótkizbek bolǵan 200-ge jýyq qazaqstandyq jazalandy
ASTANA. QazAqparat - Tyıym salynǵan zattardy temir tordyń ar jaǵyna ótkizbek bolǵan 200-ge jýyq qazaqstandyq jazalandy. Bul týraly QR ІІM QAJ Komıteti tóraǵasynyń orynbasary Teńizjan Jánibekov qatysqan qylmystyq atqarý júıesi boıynsha Komıtet qyzmetiniń qorytyndysy boıynsha ótken jıynda aıtyldy.
«Jyl basynan tyıym salynǵan zattardy túrmege ótkizbek bolǵan 200-ge jýyq QR azamaty ákimshilik jaýapkershilikke tartyldy, onyń ishinde 10 qylmystyq jaýapkershilikke tartyldy», - dedi T. Jánibekov.
Osylaısha, Semeıde qatań rejımdegi kolonııaǵa 2 oramdy laqtyrmaq bolǵan er adam qolǵa tústi. Sot-hımııalyq saraptamasy anyqtaǵandaı, onda 300 gramm gashısh pen marıhýana bolǵan. Qylmystyq is qozǵaldy.
Sońǵy kezderi qoǵamdyq taratýshylardyń tyıym salynǵan zattardy túrmege ótkizý faktileri tirkelýde. Bir kúnniń ishinde ǵana Almaty ızolıatorynda tergeý ýaqytynda qamalǵandarǵa qoǵamdyq qorǵaýshylar telefon, taǵy bir jaǵdaıda aqsha ótkizbek bolǵan. Kinálilerge QR ÁQB 367-baby boıynsha 2AEK kóleminde aıyppul salyndy jáne zat tárkilendi.
