Tyıym salynǵan dárilerdi shekaradan ótkizý joly kesildi

ASTANA. QazAqparat - Qazaqstan-reseı shekarasynda tıisti qujattary bolmaǵan medıtsınalyq preparattardy ótkizý joly kesildi, dep habarlady QR UQK ShQ baspasóz qyzmeti.

«Semeı» shekaralyq jeke tekserip ótkizý pýnktiniń «Aýyl temirjol» kóliktik baqylaý bólimshesiniń shekarashylary qańtardyń 17 kúni «Novosibir-Almaty» baǵytynda qatynaıtyn № 301 poıyzdy kestesinen jarty saǵatqa toqtatyp qoıýǵa májbúr boldy. Oǵan sebep, № 2 vagonnyń jolseriginen qajetti qujattary joq, dárigerlerdiń qatań kúsheıtilgen retsepterimen ǵana beriletin, FARM-baqylaýdan ótpegen, Qazaqstan aýmaǵynda qoldanýǵa tyıym salynǵan dári-dármekterdiń tabylýy boldy.
Poıyzdyń toqtatylýy jóninde akt jasalyndy. Tyıym salynǵan dárilerdi ákele jatqan jolserik Ákimshilik quqyq buzýshylyq kodeksiniń 426-babynyń 1-tarmaǵy boıynsha jaýapkershilikke tartylmaq. Bul ispen Semeı qalasynyń FARM-baqylaý mekemesi aınalysýda.