Tyıym salynǵan balyq aýlaý quraldary úshin jaýapkershilik kúsheıtiledi
Bul týraly Ekologııa, geologııa jáne tabıǵı resýrstar mınıstrligi Balyq sharýashylyǵy komıtetiniń tóraǵasy Narıman Júnisov aıtty, dep habarlaıdy QazAqparat tilshisi.
«Zańnamaǵa brakonerlik úshin, sondaı-aq tyıym salynǵan aýlaý quraldaryn daıyndaý, paıdalaný, satý, tasymaldaý jáne saqtaý úshin jaýapkershilikti kúsheıtý bóliginde túzetýler ázirlendi. Onda osy áreketter úshin ákimshilik ári qylmystyq jaýapkershilik qarastyrylady», - dedi N. Júnisov Ortalyq kommýnıkatsııalar qyzmetinde.
Budan bólek, balyq aýlaýǵa tyıym salý merzimderin aýystyrý rásimi ońaılatyldy. Endi komıtettiń aýmaqtyq bólimsheleri balyq aýlaýǵa tyıym salý merzimin aýystyrý týraly jedel sheshim qabyldaýǵa múmkindigi bar.
Budan buryn habarlanǵandaı, balyq sharýashylyǵyn damytýdyń 2030 jylǵa deıingi baǵdarlamasy aıasynda balyq ósirý qaı deńgeıde artatyny aıtyldy.
Aıta keteıik, «Sý aıdynyn kóbirek balyqtandyrsań – kóbirek kvota alasyń» qaǵıdatyna kóshý bóliginde kvotalardy bólý erejesine ózgerister engizildi.
