Tyıym salynǵan aýdıojazbany saqtaǵan aqtóbelikterge aıyppul salyndy

AQTÓBE. QazAqparat - Aqtóbe oblystyq PD ekstremızmge qarsy is-qımyl basqarmasynyń qyzmetkerleri tyıym salynǵan aqparatty saqtaǵany úshin Aqtóbeniń eki turǵynyn ákimshilik jaýapqa tartty, dep habarlaıdy QazAqparat tilshisi.

Polıtsııa qyzmetkerleri áleýmettik jelige monıtorıng júrgizip, Aqtóbeniń 28 jáne 33 jastaǵy turǵyndarynyń jeke paraqshasynan aýdıojazbalardy tapqan. Saraptama qorytyndysy boıynsha, usynylǵan materıaldar Qazaqstan Respýblıkasynyń aýmaǵyna ákelýge, basyp shyǵarýǵa, daıyndaýǵa jáne taratýǵa tyıym salynǵan ekstremıstik materıaldar dep tanyldy.

«Aqtóbe qalasynyń ákimshilik soty Ákimshilik quqyqbuzýshylyq týraly Kodekstiń «Buqaralyq aqparat quraldarynyń ónimin, sol sııaqty ózge de ónimdi Qazaqstan Respýblıkasynyń aýmaǵynda daıyndaý, saqtaý, ákelý, tasymaldaý, taratý» baby boıynsha ákimshilik jaýapqa tartty. Sanktsııada 58 340 teńge somasynda ákimshilik aıyppul kózdelgen», - dep habarlady oblystyq PD baspasóz qyzmetiniń jetekshisi Erbolat Sarqulov.