Tyıym salynǵan alma tıelgen eki júk kóligi Qazaqstannan shyǵaryldy

ShYMKENT. QazAqparat - Shymkentte fıtosanıtarlyq talaptarǵa qoǵamdyq monıtorıng júrgizildi, dep habarlaıdy QazAqparat tilshisi Memlekettik qyzmet isteri jáne sybaılas jemqorlyqqa qarsy is-qımyl agenttigi departamentiniń baspasóz qyzmetine silteme jasap.

Departmenttiń arnaıy monıtorıng toby QR Aýyl sharýashylyǵy mınıstrliginiń Shymkent qalasy boıynsha agroónerkásip keshenindegi aýmaqtyq ınspektsııasynyń ókilimen birge «Qazybek bı» kóterme saýda bazaryn tekserdi.

Oǵan Qyrǵyzstan men Ózbekstannan karantın jarııalanǵan ónimderdi ákelýge tyıym salynýy sebep boldy.

«Monıtorıng kezinde bazar aýmaǵynda alma tıelgen Qyrǵyzstanda tirkelgen eki júk kóligi anyqtaldy. Olar Qazaqstan Respýblıkasynyń aýmaǵyna tyıym salynǵannan keıin kirip kelgen. Birinde 8, ekinshisinde 4 tonna júgi bar kólik quraldary Qazaqstannan shyǵaryldy. Budan bólek, Almaty qalasynan ákelingen 10 tonna almanyń karantındik sertıfıkatynyń joq ekeni anyqtaldy. Soǵan baılanysty, QR «Ákimshilik quqyq buzýshylyqtar týraly» kodeksiniń 400-babynyń 1-bóligi, 16-tarmaǵyna sáıkes, jeke tulǵaǵa aıyppul salyndy», - deıdi vedomstvo ókilderi.

Aıta keteıik, kórshi elderden ákelinetin karantın jarııalanǵan keıbir ónimderdiń quramynan qaýipti zııankester tabylýyna baılanysty, olardy Qazaqstanǵa ákelýge tyıym salynǵan bolatyn. Atap aıtqanda, alma, qurma, anardan Komstok symyry, kartoptan Kartoptyń altyn tústes jumyr qurty tabylǵan.


Saıra Amantaeva