Tıýmen túbinde jolaýshylar ushaǵy qulady
ASTANA. 2 sáýir. QazAqparat - Reseılik aqparat agenttikteriniń habarlaýynsha, Tıýmen túbinde jolaýshylar ushaǵy apatqa ushyrady, qaza tapqandar bar, dep aqparattandyrady Bı-Bı-Sı.
Aldyn ala málimetter boıynsha, ushaq ishinde 39 jolaýshy men ekıpajdyń eki múshesi bolǵan.
Oqıǵa ornyna qutqarýshylar bara jatyr. «Apat ornyna Reseı TJM-niń Tıýmen oblysy boıynsha Bas basqarmasynyń barlyq kúshteri jiberildi», - dep habarlady Interfaksqa Reseıdiń TJM-de.
ATR-72 ushaǵy Tıýmen áýejaıynda ushyp shyǵý kezinde qulaǵany habarlanady.
Áýe kemesi «Tıýmen - Sýrgýt» reısi boıynsha ushyp bara jatqan, dep habarlaıdy RIA Novostı agenttigi.
Interfakstyń Tıýmendegi quqyq qorǵaý organdaryndaǵy derek kózi ushaqtyń Tıýmen qalasynan 35 shaqyrym jerde qulaǵanyn habarlady.
«Ushaq Sýrgýtke ushyp bara jatqan edi, jergilikti ýaqyt boıynsha saǵat 5:33-te ushqannan keıin 2 mınýttan soń ushaqpen baılanys joǵaldy. Tıýmennen ushqan kelesi ekıpaj Sýrgýtke qozǵalys baǵyty boıynsha aımaqta órtenip jatqan qaldyqtardyń bar ekenin habarlady», - dep habarlaıdy agenttik.
Agenttik málimetteri boıynsha, apatqa ushyraǵan ushaq «ıÝTeır» áýekompanııasynyń ıeliginde. Budan basqa, jolaýshylardyń kóp bóliginiń qaza tapqany, alaıda tiri qalǵan adamdardyń da bar ekendigi habarlanady.
ATR 72 ushaǵy ATK frantsýz-ıtalıandyq kontsernimen shyǵarylady. Ol 78 jolaýshy men ekıpajdyń eki múshesine eseptelgen.
