Tyshqandarǵa arnalǵan sholaq dambal úshin Shnobel syılyǵy berildi
ASTANA. QazAqparat - Garvard ýnıversıtetinde jańalyqtarymen erekshelengen zertteýshilerge Shnobel syılyǵy (Ig Nobel Prize) berildi. Tizimge eshkilermen birge eleýsiz jaıylýǵa múmkindik beretin adam protezderi jáne zerthana tyshqandaryna arnalǵan sholaq dambal endi, dep jazady aif.ru.
Aınalaǵa joǵarydan tómen qaraǵandaǵy vızýaldy kartınany qabyldaýdyń ózgerýin zerttegen japondyq ǵalym Atsýkı Hıgasııama «Qabyldaý» nomınatsııasyna laıyq dep tanyldy. «Fızıka» júldesi qara qulpytastardyń shegirtkelerdiń nazaryn birden aýdaratynyn, sol sebepti qulpytasqa dernásil tastap ketetinin anyqtaǵan Sıýzan Akessonǵa berildi.
«Kóbeıý» nomınatsııasyndaǵy júlde Ahmed Shafıkke berildi. Egıpettik ǵalym zerthanalyq tyshqandarǵa taza maqta men júnnen jasalǵan sıntetıkalyq sholaq dambal kıgizgen. Bul tájirıbe arqyly ǵalym sıntetıkalyq kıimdegi janýarlardyń seksýaldy belsendiliginiń tómendegenin anyqtaǵan.
Aına aldynda oń jaq dene bóligin qasyǵan adamnyń sol jaǵynda da qyshý paıda bolatynyn anyqtaǵan nemis zertteýshileri «Medıtsına» nomınatsııasyna ıe boldy.
