Tyshqan Air France reısin eki táýlikke kidirtti
ASTANA. QazAqparat - Malıdyń astanasy Bamakodan Parıjǵa ushyp shyǵatyn Air France avıakompanııasynyń reısi kemirgishtiń kesirinen 48 saǵatqa keshikti, dep habarlady Bı-bı-sı.
Tyshqan qaıtkende de ushqyshtardyń kabınasyna kirip ketken. Tyshqandy ustaǵansha reıs keıinge qaldyryldy, óıtkeni ony ustaýǵa biraz ýaqyt ketti jáne ekıpajdyń demalýy qajet boldy.
Qaýipsizdik erejelerine sáıkes ushqyshtar belgili bir lımıtten artyq jumys jasaýǵa bolmaıdy.
Ushaqtar da bortynda kemirgishter bolsa ushýǵa bolmaıdy, óıtkeni olar elektr symdaryn jáne basqa da kábilderdi isten shyǵarýy múmkin.
Reıs jolaýshylary jergilikti qonaqúılerge ornalastyryldy jáne olar keshiktirilgeni úshin ótemaqy alady.
Ushý 48 saǵatqa keıinge qaldyryldy, óıtkeni, birinshiden, tyshqan ushaqtyń mańyzdy kábilin tistep, isten shyǵarýy múmkin, ekinshiden, Air France-de Bamakoda ushyrýdy kelesi kúni qamtamasyz etetin jetklikti qyzmetkerleri bolmady.
Air France ókili Krıstof Pome jolaýshylarǵa jany ashıtynyn bildirdi, alaıda olardyń qaýipsizdigi kompanııanyń negizgi basymdyǵy ekenin aıtty.
Reıs Parıjge jeksenbi kúni keshte ushyp shyqty.
Al ustalǵan tyshqannyń taǵdyry belgisiz.
