Tyrysqaq juqtyrý: Kúnine 170-ke jýyq qazaqstandyq Úndistanǵa saparlaıdy
«Búginge deıin 4 ýyttekti emes, ıaǵnı tyrysqaqqa shaldyqqan adam tirkeldi. Al bireýi ýyttekti túrin juqtyrǵan. Olar Goada demalǵan týrıster. Bári de Almaty qalasynyń turǵyndary. Qazirgi tańda bizdiń týrıstik operatorlar Úndistan tarapymen jaqsy týrıstik baılanys ornatqan. Kúnine 170-ke jýyq adam Úndistanǵa ushyp, sondaı mólsherdegi adam qaıtyp keledi», - deıdi Densaýlyq saqtaý mınıstrliginde ótip jatqan keńestiń aldynda BAQ ókilderiniń suraǵyna jaýap bergen Jandarbek Bekshın.
Qoǵamdyq densaýlyq saqtaý komıtetiniń tóraǵasy sonymen qatar, Úndistan baǵytyndaǵy týrıstik aǵym týraly aqparatpen bólisti.
«Bizdiń qolymyzda statıstıka bar. Ótken jyldyń qazan aıynan bastap bizdiń eldiń 15 myńǵa jýyq adamy Úndistanǵa týrıstik maqsatta baryp qaıtqan. Al úndistandyq týrısterge bizdiń Shymbulaq, Almaty men Kóktóbe unaıdy. Bizdiń qoldaǵy málimetke sáıkes, Úndistanda sońǵy jyldary 12 myńǵa jýyq adam tyrysqaq aýrýyn juqtyrǵan. Ushyp barý boıynsha 80 jaǵdaı tirkelgen. Biz týroperatorlarmen birge, árbir ushyp barý jaǵdaıy boıynsha jumys júrgizemiz», - degen Bekshın Úndistanǵa baratyn qazaqstandyq týrısterge gıgıenany saqtaý boıynsha tıisti aqparat beriletinin aıtty.
Ol sonymen qatar, komıtet aldynda atalǵan aýrýdyń tarap ketpeý mindeti turǵanyn tilge tıek etti.
«Osy 5 jaǵdaı ýaqtyly anyqtaldy. Bárine dıagnoz qoıylyp, barlyq jaǵdaı boıynsha epıdemııaǵa qarsy sharalar júrgizildi», - deıdi Bekshın.
Eske sala ketsek, buǵan deıin Almatyda tyrysqaq aýrýyna shaldyǵý boıynsha bes jaǵdaı tirkelgen bolatyn. Olardyń bári Úndistanǵa demalýǵa barǵan kezinde aýrýdy juqtyryp alǵan.