Tyrysqaq aýrýy Gaıtıden Venesýelaǵa jetti
ASTANA. 27 qańtar. QazAqparat - Domınıkan Respýblıkasynan oralǵan Venesýelanyń bir top turǵyndarynyń tyrysqaq aýrýyn juqtyrǵany anyqtalyp otyr, dep habarlady 26 qańtar, sársenbi kúni eldiń Densaýlyq saqtaý mınıstrligi. Bul týraly aqparatty Agence France-Presse agenttigine silteme jasap, "Lenta.rý" taratty.
Tyrysqaq aýrýynyń belgileri Venesýela Densaýlyq saqtaý mınıstrligi ókilderiniń aıtýynsha, Domınıkanda otbasylyq merekede bolyp qaıtqan 21 adamda anyqtalǵan. Olardyń barlyǵy da Karakastyń juqpaly aýrýlar aýrýhanasyna jatqyzyldy. Sol is sharaǵa qatysqan tyrysqaq aýrýyn juqtyrýy ábden múmkin Venesýelanyń taǵy da 12 azamaty Domınıkan Respýblıkasy aýmaǵynda qalyp otyr.
