Tyrnaǵyńyz sarǵaısa qandaı dertten qaýiptengenińiz jón?
ASTANA. QazAqparat - Adamnyń tyrnaǵynyń túsine qarap onyń qandaı dertke ushyraǵanyn anyqtaýǵa bolatynyn bárimiz bilemiz. Máselen, eger tyrnaq sary túske boıalsa, bul asqazan-ishek joldarynda aýrý paıda bolǵanyn bildiredi, dep jazady Rosbalt.
Bul jerde tyrnaqqa kosmetologııalyq áreketterdiń de teris yqpalyn tıgizetinin eskergen jón. Jaǵylǵan lak tyrnaq jabynynyń sańylaýlaryn bitep tastaıtyndyqtan, oǵan ottegi barmaı, sol sebepten de sarǵaıýy múmkin. Ári tyrnaqtyń synǵyshtyǵy da sodan paıda bolady.
Sondaı-aq adam aǵzasyna shylym shegý arqyly túsetin nıkotın de keri áserin tıgizbeı qoımaıdy. Saýsaq ushtaryna jınalatyn ol tyrnaqtyń túsin ózgertedi. Mundaı jaǵdaıda temekiden bas tartý ǵana onyń túsin qalpyna keltiredi.
Tyrnaqtyń tabıǵı túsiniń ózgerýiniń taǵy bir sebebi kaltsııdiń jetispeýshiliginen týyndaıdy. Sonymen qatar baýyry, ókpesi syrqat nemese qant dıabetimen aýyratyn adamnyń da tyrnaǵy sarǵaıyp ketýi múmkin.
