«Tynyshtyq» jáne «Saılaý» kúnderi BAQ-qa arnalǵan usynymdar jarııalandy
Tyıym salynady
«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes saılaý kúni jáne onyń qarsańyndaǵy kúni kez kelgen saılaý aldyndaǵy úgitke tyıym salynady.
Saıası partııalar, partııalyq tizimderge kiretin kandıdattar, olardyń senim bildirgen adamdary jáne saılaý aldyndaǵy shtabtardyń jumysy týraly qandaı da bir beınereportajdar, maqalalar, rolıkter ornalastyrýǵa tyıym salynady.
Alaıda, bul saıası partııalar men kandıdattar týraly aqparattyq, taldaý jáne kórneki úgit materıaldaryn tikeleı kóbeıtýge ǵana qatysty emes. Beınesıýjetter men maqalalarda saıası partııalardyń úgit bannerleri, plakattary men paraqshalary beınelengen kadrlardyń paıda bolýyn boldyrmaý mańyzdy.
Buryn ornalastyrylǵan materıaldardy ınternet-resýrstardyń basty betterine shyǵarýǵa jol berilmeıdi.
Daýys berý kúninen bes kún buryn qoǵamdyq pikirge suraý salý nátıjelerin jáne saılaýǵa baılanysty basqa da zertteýlerdi jarııalaýǵa tyıym salynady.
Internet-resýrstardyń buryn ornalastyrylǵan materıaldary boıynsha túsinikteme berý fýnktsııasyn jabý ne belgili bir saıası partııaǵa daýys berý týraly úndeýlermen pikirlerdiń paıda bolýyna jol bermeý úshin turaqty moderatsııany júzege asyrǵan jón.
«Saılaý kúni» daýys berý bıýlletenderin ornalastyrýǵa tyıym salynady.
Ruqsat etiledi
Saıası partııalardan kandıdattardyń kásibı qyzmetine qatysty materıaldardy olardyń partııaǵa qatystylyǵyn kórsetpeı jarııalaýǵa ruqsat etiledi.
Internet jelisinde buryn ornalastyrylǵan úgit materıaldary burynǵy oryndarynda saqtalýy múmkin. Alaıda, saılaýshylardyń qalaýy týraly buryn júrgizilgen saýalnamalardy qaıta basyp shyǵarý jáne eske túsirý múmkin emes.
Sarapshylardyń, qoǵam qaıratkerleriniń jáne t.b. pikirleri men suhbattary Saıası partııalar men kandıdattar týraly aıtpastan, saılaýdyń róli men jalpy daýys berýdiń mańyzdylyǵy týraly jalpy pikirdi ǵana qamtýy múmkin.
Saılaý komıssııalarynyń úı-jaılarynan jáne daýys berýge arnalǵan úı-jaılardan tys jerlerde buryn ilingen baspa úgit materıaldary burynǵy oryndarynda saqtalýy múmkin.
Ulttyq baıqaýshylardyń daýys berý barysyna jáne onyń qorytyndylaryn shyǵarýǵa kedergi keltirmeı, foto -, aýdıo - jáne beınejazbalar jasaýǵa quqyǵy bar. Foto -, aýdıo-jáne beınejazba, sol sııaqty baıqaýdyń ózi derbes derekterdiń, onyń ishinde saılaýshylar tiziminiń, toltyrylǵan bıýlletenderdiń jáne t. b. qupııalylyǵy saqtalatyndaı etip júzege asyrylýǵa tıis. Foto - jáne beınejazba daýys berý qupııasyn jáne saılaýshylardyń derbes derekterin qorǵaý eskerile otyryp qana júrgizilýge tıis jáne azamattardyń beınesin olardyń kelisimin alǵannan keıin paıdalanýǵa bolady.
Saılaý barysyn jarııalaýǵa jáne taratýǵa tek buqaralyq aqparat quraldary ǵana quqyly.
