Tynys alý organdary aýrýlary alǵashqy orynda tur
ASTANA. 4 shilde. QazAqparat - Búgin Astanada Tynys alý organdary aýrýlary boıynsha IV Ulttyq kongresi jáne Sozylmaly respıratorlyq aýrýlarmen kúres jónindegi ǵalamdyq alıanstyń VIII keńesi óz jumysyn bastady.
«Elimizde tuńǵysh ret Densaýlyq saqtaý uıymynyń ókpe dertterine baılanysty úlken keńesi ótip jatyr. Oǵan 32 elden salanyń bilikti mamandary qatysýda. Atalǵan uıymnyń esepteýlerine súıensek, álemde densaýlyq saqtaý salasyna jumsaǵan qarjynyń 58 paıyzy ókpe aýrýlaryna baılanysty. Sebebi, dári-dármekke, em-domǵa, tekserýlerge qomaqty qarjy jumsalady»,-dedi Ulttyq ǵylymı medıtsınalyq ortalyǵynyń bas dırektory Abaı Baıgenjın.
Taratylǵan málimetterge qaraǵanda, Qazaqstanda jalpy syrqattanýshylyq qurylymynda tynys alý organdary aýrýlary alǵashqy orynda tur. Osy oraıda 100 myń turǵynǵa shaqqanda 22900 jaǵdaıdan keledi eken. Bul kórsetkish boıynsha tynys alý organdary aýrýlary júrek qan tamyry dertinen de asyp túsken.
Kóp taraǵan tynys alý indetteriniń ishinde pnevmonııa, ókpeniń syzylmaly obstrýktıvti aýrýlary, bronha astmasy, gıpoplazııa, bronhoektazııa jáne basqalary bar.
