Tynyq muhıtynda jańa aral paıda boldy
ASTANA. QazAqparat - Tynyq muhıttyń ońtústik bóliginde sý asty janartaýynyń atqylaýynan jańa aral paıda boldy. Ol Tonga koroldiginiń astanasy Nýkýaloftan 45 shaqyrym aralyqta ornalasqan, dep habarlady BBC News.
Araldyń uzyndyǵy - 1,8 shaqyrym, eni - 1,2 shaqyrym, alaıda ǵalymdar onyń turaqsyzdyǵy jaıly eskertedi: aral bólshektenip, teńiz túbine batyp ketýi de yqtımal. Ol janartaý qojy: krıstaly joq qoshqyl jynystan turady.
Tonga-Hýnga Haapaı janartaýy jeltoqsanda oıanǵan.
Jergilikti qonaqúıdiń ıesi Djanpero Orbassano (Gianpiero Orbassano) aralǵa dostarymen birge baryp, sýretke túsip qaıtqan. Orbassanonyń aıtýynsha, ataýy joq araldyń ústińgi beti sál ystyqtaý bolǵanymen, qataıyp úlgergen. Aral ortasynda ornalasqan janartaýdyń eń bıik núktesine jetken týrıster kúkirttiń ıisi bar jasyl kól tapqan.
