Tynyq muhıtynda bortynda 4 myńǵa jýyq kóligi bar órtengen keme qalqyp júr
ASTANA. QazAqparat - Tynyq muhıty sýlarynda bortynda myńdaǵan kólik tıelgen Sincerity Ace júk kemesi qalqyp júr. Birneshe kún buryn ol órtenip, 21 teńizshiden quralǵan ekıpaj evakýatsııalanǵan edi.
Associated Press-tiń habarlaýynsha, Sincerity Ace júk kemesi ekıpajynyń 16 múshesi qutqaryldy. Tórt teńizshi qaza taýyp, taǵy bireýi iz-tússiz joǵalǵan.
Bortyna 5200 avtomobıldi syıdyratyn kemede 3804 kólik boldy. Sonyń ishinde 3500-y - Nissan markaly.
«Qazirgi kezde bizde kólikterdiń jaǵdaıy týraly aqparat joq. Biz ekıpaj músheleri men qutqarýshylardyń qaýipsizdigi úshin alańdap otyrmyz», - dep jazady Nissan ókilderiniń sózderin Automotive News.
Joǵalyp ketken teńizshini izdeý jumystary jalǵastyrylýda. Kemedegi órttiń shyǵý sebepteri ázirge belgisiz.
