Tynyq muhıttyń túbinen rekordty tereńdikte uńǵyma burǵylandy
ASTANA. 8 qańtar. QazAqparat - Japonııanyń «Tıkıý» atty zertteý kemesi Tynyq muhıtynyń túbinen tereńdigi 3058 metr bolatyn uńǵymany burǵylap,
2012 jyly ornatylǵan 2466 metrlik rekordty jańartty, dep habarlady japondyq buqaralyq aqparat quraldary.
Zertteý Vakaıama prefektýrasy jaǵalaýynan shyǵysqa qaraı shamamen 75 shaqyrym jerde júrgizilýde. Eń sońǵy zamanaýı quralmen jabdyqtalǵan «Tıkıý» ekıpajyna ashyq teńiz jaǵdaıynda tereń burǵylaý júrgizý úshin eki aıdan astam ýaqyt ketken. Alynǵan málimetterge seısmologtar tarapynan asa zor qyzyǵýshylyq týyp otyr, sonyń negizinde olar osy aýmaqtaǵy muhıttyń túbinde birtindep ulǵaıyp jatqan Nankaı jaryqshaqtaryn jan-jaqty zerttemek. Bul úlken jaryqshaq Japonııanyń shyǵys jaǵalaýy boıymen ótetin Tynyq muhıtynyń túbinde. Ol óte qýatty jáne apatty jer silkinisteriniń oshaǵy bolyp tabylady.
