Tynyq muhıttaǵy asa aýqymdy qoqys «araly» ǵalymdardy dúrliktirip otyr
ASTANA. 28 naýryz. QazAqparat - Adam balasynyń tutynýshylyq suranysynyń eselep artýy, ındýstrııalyq progress, tabıǵatty ashkózdikpen paıdalanýdyń saldary aýaǵa ǵana emes,
Tynyq muhıtta kólemi birneshe mln sharshy shaqyrymǵa qoqys «aralynyń» túzilýine alyp kelgenin ǵalymdar dabyl qaǵyp aıtýda. Qurlyqtan shyǵarylǵan qoqys qaldyqtary munda teńiz aǵystarymen aǵyp kelýde.
«Alash aınasy» basylymynyń jazýynsha, onyń kólemi shamamen 700 myńnan 15 mln sharshy shaqyrymǵa deıin jetedi, ıaǵnı bul Tynyq muhıttyń 0,41 paıyzynan 8,1 paıyzyn quraıdy degen sóz. Bul AQSh-tyń nemese Avstralııa materıginiń kóleminen asyp túsedi. Muhıtqa tastalatyn plastıkalyq toksıkalyq qaldyqtardyń kesirinen jylyna mıllıonnan astam qus, 100 myńdaı teńiz sútqorektileri ólim-jitimge ushyraıdy. Adam balasy der kezinde osy qaldyqtardy zalalsyzdandyrmasa, orny tolmas apat ákelýi múmkin.
