Tynyq muhıtta 5 aı qalyp qoıǵan saıahatshylar qutqaryldy
ASTANA. QazAqparat - AQSh teńiz áskerı kúshteri Japonııa jaǵalaýlarynan 1,4 myń shaqyrym qashyqtyqta eki áıeldi qutqardy. Olar ashyq muhıtta bes aı boıy buzylǵan ıahtada ıtterimen birge kún kórgen, dep habarlaıdy ABC News.
Gavaıı turǵyndary Djennıfer Appel men Tasha Fýaba Taıtıden saıahatqa shyqqan kezde mamyr aıy bolatyn. Biraq daýyl turyp, ıahtanyń qozǵaltqyshy isten shyǵady. Saıahatshylar jelkendi paıdalaný arqyly baǵyt túzeýge áreket jasaıdy. Alaıda kúshti aǵyn ıahtany ashyq muhıtqa alyp ketedi. Kómekke shaqyrǵan áıelderdiń bergen sıgnaly álsiz bolǵandyqtan, jaǵalaýǵa da, basqa kemelerge de jetpeıdi.
Ashyq teńizde qalǵan áıelderdiń aıtýyna qaraǵanda, ıahtada jetkilikti mólsherde azyq pen tuzdy sýdy tuşy sýǵa aınaldyratyn qondyrǵynyń bolýy olardyń ómirin saqtap qalǵan.
AQSh teńizshileri joǵalǵan ıahta týraly habardy 24 qazanda Taıvan balyqshy kemesinen alady. Balyqshylar buzylǵan ıahtany kórip, Gýmma jaǵalaý qyzmetine habar beripti.
