Tynyq muhıt plastık qoqystardan tazartylady
ASTANA. QazAqparat - Soltústik teńizde sý betinde qalqyp júretin plastık qoqystardy súzetin bóget ornatyldy. Jobany 22 jastaǵy gollandııalyq zertteýshi Boıan Slet usynǵan, dep habarlady 24.kz.
Bul rette muhıttyq aǵystarǵa kese-kóldeneń júz shaqyrymdyq bógetter ornatý kózdelgen. Bógetter bir-birine baılanǵan úrlemeli jastyqtardan turady. Olar qoqysty bir jerge jınap, keıin ol qaıta óńdeýge jiberiledi. Mamandardyń esebinshe, jyl saıyn Tynyq muhıtyna 8 mln. tonna plastık qoqys túsedi. Ol negizinen Kalıfornııa men Gavaıı araldary arasyndaǵy 5 jerde shoǵyrlanǵan. Buǵan muhıt aǵystarynyń ıirilýi sebep.
Soltústik teńizde osy bógettiń kishireıtilgen túri ornatylǵan. Onyń uzyndyǵy 100 metr ǵana. Al muhıtqa alyp bógetter ornatar aldynda ony jıi daýyl soǵatyn ári aǵysy kúshti Soltústik teńizde synaqtan ótkizbek.
