Tyńshylyqqa qatysy bar degen kúdikpen kepter qamaýǵa alyndy
ASTANA. QazAqparat - Úndistanda polıtsııa Pákistannan ushyp kelgen kepterdi qamaýǵa aldy. Úndistannyń qaýipsizdik qyzmeti beıbitshiliktiń sımvolyna aınalǵan qusty «kórshi memlekettiń jansyzy» dep kúdiktenip otyr.
Bul jaıynda «The Times of India» aqparat kózi habar taratty. Aıaǵyna ýrdý tilinde jazý jazylǵan qaǵaz baılanǵan kepter Pathankot qalasynda kózge túsken. Ýrdý tili Pákistannyń keıbir aýdandarynda qoldanylady. Balalardyń biri ony jergilikti shashtaraz mańynan qolǵa túsirip, polıtsııa bólimshesine jetkizgen. Polıtsııa qyzmetkerleri kepterdi rentgennen ótkizgenimen kúdikti eshteńe baıqalmaǵan. Dese de, kepter qazirgi ýaqytta qamaýda, dep jazady islam.kz.
