Tyńaıtqyshtyń jetkilikti sebilmeýinen 10 mln tonna bıdaıdan aırylyp otyrmyz – Álıhan Smaıylov
«Qazirgi tańda tyńaıtqyshtardy qoldaný kólemi ǵylymı qajettiliktiń nebári 26% ǵana qurap otyr. Kórshi elderde bul kórsetkish bizden birneshe ese joǵary. Qazaqstanda tyńaıtqysh óndiretin 12 zaýyt jumys isteıdi. Memleket ónimdi satyp alý úshin fermerlerge sýbsıdııa beredi. Sondyqtan óndiristi eń aldymen otandyq naryqqa baǵyttaý qajet. Sarapshylardyń baǵalaýy boıynsha mıneraldy tyńaıtqyshtardyń jetkilikti deńgeıde sebilmeı qalýynan bizdiń dıhandarymyz 10 mln tonnaǵa jýyq joǵary sapaly bıdaı óndirý múmkindiginen aıyrylyp otyr. Bul jınalǵan ónimniń jartysyna jýyq», - dedi Álıhan Smaıylov Úkimet otyrysynda.
Premer-Mınıstrdiń aıtýynsha, topyraqtyń tozýy men egis alqaptaryn aramshópterdiń basýy ónimniń sapasy men kólemine keri áser etýde.
«Sýdy kóp qajet etetin daqyldardyń alqaptaryn azaıtý tetikteri durys jolǵa qoıylmaı keledi. Bul rette, fermerler arasynda túsindirý jumystary durys júrgizilmegen. Olarǵa jumys júrgizýdiń balama nusqalary usynylmaǵan», - deıdi ol.