Tym ádemi balanyń ata-anasy bóten sábıdi asyraǵanyn 28 jyldan keıin bildi
ASTANA. QazAqparat - Qytaıda erli-zaıyptylar 28 jyl boıy bóten balany tárbıelep kelgen. Bul jaıly balasynyń tym ádemi bolyp óskenin kórgen ákesi DNK-testin jasaǵannan keıin belgili boldy.
Ákesi balasynyń tym ádemi bolyp óskeni jaıly kúdigin áıeline aıtady. Qytaılyq Kanka News arnasynyń derekterine sáıkes 28 jastaǵy jigit anasynyń da, ákesiniń de bıologııalyq balasy bolmaı shyqty.
1989 jyly Shanhaı aýrýhanasynda olarǵa basqa balany berip jibergen. Anasy Chjan eri ekeýi ulynyń syrtqy kelbetine qarap, alańdaǵanyn aıtty. Erli-zaıyptylar 2004 jyly kúıeýiniń Chjandy kózime shóp saldy dep aıyptap, ajyrasqandaryn atap ótken jón.
Al jigit bolsa, DNK testiń nátıjesinen qatty soqqy alǵanyn jasyrmady. Ol áli de buǵan sengisi kelmeıtinin, olardy óz áke-sheshesi ekenine senip ómir súrgenin aıtty. Jigit aýrýhanany sotqa berip, óziniń bıologııalyq ata-anasyn jáne asyraýshy ata-anasynyń balasyn izdeýge kóshti. Al anasy 1,3 mıllıon ıýan (11 mıllıon rýbl) ótemaqy talap etti.
