Tıantszındegi ShYU sammıti: rotatsııalyq tóraǵalyq Qyrǵyzstanǵa tapsyryldy
ASTANA. KAZINFORM – Tıantszın qalasynda ótken ShYU sammıtiniń qorytyndysy boıynsha Shanhaı yntymaqtastyq uıymyna tóraǵalyqty 2025-2026 jyldar aralyǵynda Qyrǵyz Respýblıkasyna tapsyrý týraly sheshim qabyldandy. Bul týraly QHR Syrtqy ister mınıstrligi taratqan málimdemede aıtylǵan, dep habarlaıdy Kazinform menshikti tilshisi.
Qytaı syrtqysaıası vedomstvosynyń málimdemesinde ShYU-ǵa múshe memleketterdiń qaýipsizdigine qatysty syn-qaterlerge qarsy turýdyń Ámbebap ortalyǵyn, Aqparattyq qaýipsizdik ortalyǵyn jáne Halyqaralyq uıymdasqan qylmysqa qarsy kúres ortalyǵyn, sondaı-aq ShYU Esirtkige qarsy ortalyǵyn qurý protsesi bastalǵany aıtylǵan.
ShYU-ǵa múshe memleketterdiń Memleket basshylary keńesiniń Tıantszın deklaratsııasyna, ShYU-nyń 2035 jylǵa deıingi damý strategııasyna jáne qaýipsizdikti nyǵaıtý jáne ekonomıkalyq, mádenı-gýmanıtarlyq salalardaǵy yntymaqtastyqty jandandyrý jáne ShYU uıymdyq damýy týraly basqa da qorytyndy qujattarǵa qol qoıylyp, qabyldandy.
– Laosqa dıalog boıynsha seriktes mártebesin berý jáne ShYU tóraǵalyǵyn 2025-2026 jyldarǵa Qyrǵyz Respýblıkasyna berý týraly sheshim qabyldandy, - delingen habarlamada.
Eske sala keteıik, buǵan deıin Memleket basshysynyń «ShYU plıýs» sammıtine qatysqanyn habarlaǵan bolatynbyz.
Búgin Qytaıdyń Tıantszın qalasynda ótken ShYU sammıti aıaqtaldy. Prezıdenttiń sapary erteń Beıjiń qalasynda jalǵasady.