Tıan-Shan taýlarynda almatylyq alpınıst kóz jumdy
TALDYQORǴAN. QazAqparat-Tıan-Shan taýlarynda almatylyq alpınıst Aleksandr Chechýlın kóz jumdy. Bul týraly «Veter stranstvıı» jýrnalynyń Fecebook-tegi tobynda jarııalandy, dep habarlaıdy QazAqparat tilshisi.
«Ol Jeńis shyńynan oralmady. Bıyl Tıan-Shan taýlarynda qar óte kóp. Alpınsıstik lagerdegi keıbir azamattar Jeńis shyńyna kóterilýden bas tartty. Mýrat Otepbaev, Aleksandr Chechýlın jáne Andreı Korneevten qurylǵan almatylyq top «Jabaıy» asýy arqyly Jeńis shyńyna kóterildi. Bıik taýda Chechýlın aýyryp qaldy. Ókpesi qabyndy degen kúdik bar. Alpınıster shatyrlarynyń tireýishterin joǵaltyp alypty. Sondyqtan qarly shuńqyrǵa qonyp, shatyrdy jamylyp jatýǵa májbúr bolǵan. 16-shy tamyzdyń tańynda Aleksandr oıanbady» - delingen jýrnaldyń áleýmettik jelidegi paraqshasynda.
