Tıantszınde taǵy jarylys boldy
ASTANA. QazAqparat - Qytaıdyń Tıantszın qalasynda tótenshe jaǵdaı oryn alǵan jerde taǵy da birneshe jarylys boldy, dep habarlady sheteldik BAQ.
"Jenmın jıbao" gazetiniń jazýynsha, birneshe jarylys jergilikti ýaqyt boıynsha saǵat 11-40-ta oryn alǵan. Aıta keterligi, ýly zattardyń taralý qaýpine baılanysty bılik jergilikti turǵyndardy qaýipsiz jerge kóshire bastaǵan bolatyn. Jarylys oryn alǵan jerge hımııalyq qorǵash kıimderin kıgen áskerıler kelip, olar tiri qalǵan adamdardy izdeý jumystaryn jalǵastyrýda.
Qazirgi ýaqytta jarylystan qaza tapqandardyń sany 85 adamǵa jetti, al jaraqat alǵandardyń sany 700-den asyp jyǵylady. Jarylys qýaty trotıl ekvıvalentinde 3 jáne 21 tonnany, al órt aýmaǵy shamamen 20 myń sharshy metrdi quraǵan.
