Tıananmen alańynda lańkestik aktisin jasaǵandarǵa ólim jazasy úkimi shyǵaryldy
BEIJІŃ. QazAqparat - Tıananmen alańynda lańkestik aktisin jasaǵan úsh lańkeske ólim jazasy úkimi shyǵaryldy. Búgin QHR-dyń Shyńjań-Uıǵyr avtonomııalyq ólkesiniń ákimshilik ortalyǵy Úrimji qalasynda halyq soty osyndaı úkimdi jarııa etti.
Sot «qoǵamdyq tártipke qarsy qylmysty uıymdastyrǵany jáne lańkestik top qurǵany úshin» degen aıyppen úsh adamǵa atý jazasyn berdi, beseýi neómir boıy túrmege otyrý jazasy taǵaıyndaldy jáne 5 jyldan 20 jylǵa deıin merzimge tıisinshe bas bostandyǵynan aıyrýǵa sottaldy.
Eske sala keteıik, 2013 jylǵy 28 qazanda Tıananmen alańynda lańkestik akt jasaldy. Lańkes basqarǵan jol talǵamaıtyn mashına adamdar tobyna qaraı baǵyttalyp, sońynan jaryldy. Onyń saldarynan alty adam qazaǵa ushyrady, taǵy 39-y jaralandy.
Qytaı bıligi 22 mamyrdaǵy Úrimji bazarlarynyń birinde bolǵan lańkestik aktisinen keıin bir jyl boıy lańkestikke qarsy naýqan júrgizdi. Sonda birneshe jarylystardan 39 adam mert bolyp, 94-i jaralanǵan edi.
Shyńjańnyń jergilikti sottary 5 shildede 12 adamǵa ólim jazasyn keti, taǵy 69 adam ómir boıy túrmege qamaldy jáne lańkestik uıym qyzmetine qatysqany nemese basshylyq etkeni, sondaı-aq qasaqana adam óltirý men órt salý qylmystaryn jasaǵany úshin ártúrli merzimderge bas bostandyǵynan aıyryldy.
