Twitter jýrnalısterdi jańalyqtardan jurttan buryn qulaqtandyryp otyrmaq
ASTANA. QazAqparat - Twitter mıkroblogtar servısi Dataminr startabymen birlesip, mańyzdy jańalyqtardy izdeýde jýrnalısterge kómektesýdi kózdep otyr, dep habarlady RIA «Novostı».
Jýrnalısterge arnalǵan Dataminr for News jańa servısi tilshilerdiń kopıýterine nemese uıaly telefonynan mańyzdy jańalyqtardy Twitter-diń ózine nemese jańalyq portaldaryna shyqpaı turyp habarlap úlgeredi. TechCrunch málimetteri boıynsha, Dataminr for News-ke qosylam deıtin jýrnalısterge osy jyldyń sońyna qaraı qol jetimdi bolmaq. Al oǵan jazylý baǵasy qansha bolatyny ázirge belgisiz. Qazir servıs CNN medıakompanııasynda synaqtan ótýde. Atalǵan aqparattyq kompanııa bul qyzmetti birneshe aıdan beri qoldanyp keledi. Kún saıyn sodan shamamen eki habar jarııalaıdy. «Bul biz úshin básekelesterden ozyp ketýge taptyrmas qural bolyp otyr», - deıdi CNN Digital basshysy Kennet Estenson.
