Twitter uzaq mátindi shekteýden bas tartpaq
ASTANA. QazAqparat - Twitter áleýmettik jelisi jańa platforma quryp jatyr. Oǵan sáıkes, endi atalǵan áleýmettik jelide 140 belgiden artyq sózderdi jarııalaýǵa bolady. Bul týraly Re/code basylymy aqparat kózderine silteme jasap habarlady, dep jazady lenta.ru.
Jańa ónim qandaı bolatyny ázirge belgisiz. Belgilisi, endi kólemi úlken mátinderdi jarııalaýǵa bolady. Al «Twitter» ókili bul aqparatqa qatysty resmı málimdeme jasaýdan bas tartty. Shaǵyn mátinderdi jarııalaýǵa múmkindik beretin «Twitter» shaǵyn blogtar qyzmeti 2006 jyly iske qosylǵan. Onyń negizgi sıpattarynyń biri jarııalanatyn mátin kólemi 140 belgiden aspaýy tıis edi. Qyzmetti belsendi paıdalanatyndardyń sany 302 mıllıon adamdy qurap otyr. Jalpy Twitter-ge 500 mıllıonnan astam adam tirkelgen.
