Twitter uqsas jazbany bir ýaqytta birneshe akkaýntta jarııalaýǵa tyıym salmaq
ASTANA. QazAqparat - Shaǵyn bloktar qyzmetin júzege asyratyn Twitter birdeı nemese óte uqsas jazbany bir ýaqytta birneshe akkaýntta jarııalaýǵa tyıym salmaq. Bul týraly áleýmettik jeliniń ınternet-blogta jarııalanǵan málimdemesinde habarlanǵan, dep jazady TASS.
Habarlamada aıtylǵandaı, bul shara spammen kúres jáne jaǵymsyz aqparattardyń taralmaýy úshin jasalyp jatyr.
Sondaı-aq, qodanýshylar budan bylaı arnaıy baǵdarlamalardyń kómegimen bir ýaqytta birneshe akkaýnt arqyly «laık» basyp, jazbalardy bólise almaıtyn bolady.
