Twitter táýlik boıy jańalyq taratatyn telearnasyn iske qosady
ASTANA. QazAqparat - Twitter Bloomberg Media-men birlesip táýlik boıy jańalyqtar taratatyn telearnany iske qosýdy josparlap jatyr. Joba áleýmettik jelide onlaın-telearna túrinde júzege asatyn bolady, dep habarlaıdy Lenta.rý.
Telearna osy kúzde qosylýy múmkin. Ataýy qoıylmaǵan atalmysh arna álemniń túkpir-túkpirindegi óz jańalyqtaryn tikeleı taratyp, Twitter qoldanýshylarynyń tekserilgen vıdeolaryn kórsetetin bolady.
Bloomberg Media atqarýshy dırektory Djastın Smıt (Justin Smith) atap ótkendeı, kópshilik qaýym jańalyqtardy telearnalardan tamashalap, bolǵan oqıǵany áleýmettik jelilerde talqylaıdy. Al, bul kompanııalar osy is-áreketterdi bir jelide biriktirmekshi.
