Twitter saıası jarnamaǵa tyıym saldy

NUR-SULTAN. QazAqparat – «Twitter saıası jarnamadan bas tartty, bul áleýmettik jeliniń saıasatqa áserine qalaı áser etedi?» dep jazady Vox.

Twitter-diń bas dırektory Djek Dorsı 30 qazan kúni 2019 jyldyń qarasha aıynyń sońynda platformada saıası jarnamaǵa tyıym salynatynyn málimdedi. ıAǵnı, endi áleýmettik jeli qoldanýshylary kampanııalardyń jarnamasy men belgili bir saıası probelamalardy kórmeıtin bolady.

«Bul qadam saıasatkerlerge áleýmettik jelide ótirik aıtýǵa kedergi keltiredi dep kútilýde. Keıbiri Dorsıdiń bul sheshimin Facebook kompanııasynyń bas dırektory Mark Tsýkerbergke tikeleı jaýap dep baǵalap otyr. Jaqynda ol Facebook saıası jarnamany shektemeıtinin aıtqan edi», dep jazady basylym.

Aıta ketý kerek, 2018 jyly Twitter saıası jarnamadan keminde 3 mıllıon dollar paıda tapqan. Degenmen, bıylǵy jyldyń bir kvartalynda 700 mln dollar tabys túsken. ıAǵnı, bul sheshimnen Twitter eshqandaı shyǵynǵa ushyramaıdy.