Twitter paıdalanýshylar jazbalarynyń qaralýy statıstıkasyn kórsetedi
ASTANA. QazAqparat - Mıkroblogtardyń servısi túrli paıdalanýshylar tvıtteriniń qansha ret oqylǵandyǵy jónindegi statıstıkany engizbek. Bul týraly kompanııanyń blogyna silteme jasap RBK habarlady.
Jańa málimetter akkaýnttardaǵy tirkelgen barlyq paıdalanýshylarǵa qoljetimdi bolmaq. Sonymen qatar tvıttiń qaralýy týraly derekter saıttyń veb-nusqasynda ǵana nemese Android jáne IOS qosymshalary arqyly oqylǵan kezde esepteledi.
Endi retvıtter boıynsha túrli paıdalanýshylardyń tvıtine kóshý, túrli heshtegtermen qansha adam ony qaraǵandyǵy jaıynda, sondaı-aq qansha márte tvıtten paıdalanýshynyń profıline aýysqandyǵy turǵysynda statıstıkany kórýge bolady.
Aıta keteıik, bul jańashyldyq Reseıdegi «blogerler týraly zańnamany» engizý qarsańynda paıda boldy. 2014 jylǵy sáýirdiń aıaǵynda osy eldiń Memlekettik dýmasy úshinshi oqylymda tanymal blogerlerdiń BAQ-qa qatysty belgilengen talaptardy oryndaýy týraly zańdy qabyldady. Qujatqa sáıkes, kúnine paraqshasyn 3 myń nan astam adam qarap shyǵatyn barlyq blogerler BAQ-tarǵa usynylǵan talaptardy oryndaýy tıis. Olarǵa ózderiniń paraqshalarynda jeke málimetterdi jarııalap, beıpil sózderden tartynýdy mindetteıdi.
