Twitter logotıpindegi qus beınesin aýystyrdy

ASTANA. QazAqparat - Dúısenbi kúni Twitter áleýmettik jelisi óz saıtynyń logotıpindegi Dogecoin krıptovalıýtasynyń sımvoly bolyp tabylatyn kók qusty ıt beınesine aýystyrdy. Jańa logotıpti jeliniń betinen kórýge bolady, dep habarlaıdy QazAqparat TASS akparat agenttigine silteme jasap.

Bul ózgeris turaqty negizde jasaldy ma, ázirge belgisiz. Áleýmettik jeli blogynda, Twitter qoldaý paraqshasynda, sondaı-aq áleýmettik jeli ıesi Ilon Masktyń paraqshasynda bul máselege qatysty eshqandaı túsinikteme berilgen joq.

Bloomberg agenttiginiń málimetinshe, ózgeris engizilgennen beri Binance krıptovalıýta bırjasynda Dogecoin quny 30%-ǵa ósken.

Mask óziniń Twitter-inde Dogecoin týraly birneshe ret oń pikir qaldyrǵan. Osylaısha, 2021 jyldyń sáýir aıynyń basynda ol «Dogecoin-dy Aıǵa ushyrýǵa» ýáde berdi, al mamyrda ol óziniń SpaceX kompanııasy 2022 jyly osy krıptovalıýtamen tolyǵymen tólengen kelisimshart boıynsha Aıǵa spýtnık ushyratynyn túsindirdi. 2022 jyldyń qańtarynda Masktyń basqa kompanııasy Tesla óziniń keıbir ónimderi úshin tólem retinde Dogecoin qabyldaıtynyn jarııalady.

2022 jyldyń qyrkúıeginde ınvestorlar Mask pen onyń birqatar seriktesterin Dogecoin krıptovalıýtasynyń baǵasyn eki jyl ishinde 36 myń paıyzǵa ádeıi ósirdi dep aıyptady.