Twitter qyzmetkeriniń 9 paıyzǵa qysqartylatynyn habarlady
ASTANA. QazAqparat - Twitter kompanııasy jumysynyń tıimdiligin arttyrýǵa baǵyttalǵan qaıta qurylymdaý aıasynda shtattyń 9 paıyzǵa qysqartatyn habarlady.
Twitter bas dırektory Djek Dorsıdiń sózine qaraǵanda, kompanııa negizgi qurylymdardyń damýyna mán bermek.
«Bizde naqty josparymyz bar jáne biz Twitter kópmerzimdi ósimdi qamtamasyz etý úshin tıisti ózgeristerdi júzege asyryp jatyrmyz», - dedi Djek Dorsı.
Qyzmetkerlerdiń sanyn qysqartý týraly kompanııa aǵymdaǵy jyldyń úshinshi toqsanyndaǵy qarjy esebin jarııalaı otyryp habarlady. Esepke sáıkes, kompanııanyń toqsandyq tabysy 8% - 616 mln dollarǵa deıin ósken. Sońǵy úsh aıda kompanııa shyǵyny 22% - 103 mln dollarǵa deıin qysqarǵan.
