«Twitter» kompanııasy tvıt arqyly basqarylatyn ushqyshsyz apparatty patenttedi
ASTANA. QazAqparat - Patentteý týraly 2015 jylǵy maýsymda berilgen ótinimdi AQSh bıligi maquldady. Jańa pılotsyz ushatyn apparatty Twitter qysqa mátindik habarlamasy kómegimen qashyqtyqtan basqara alady, dep habarlady Naked Science.
«Popular Science» portaly habarlaǵandaı, amerıkalyq Twitter kompanııasy apparatqa patent aldy, ol qysqa mátindik habarlama - tvıt kómegimen basqarylady.
Patent mátinine sáıkes, ushqyshsyz apparat foto túsirilimder men vıdeojazbalarly jazyp, usyna alady. Ony mıkroblogta bólisýge bolady. Bir ereksheligi, ol baǵdarlamany drondy basqara alatyn bir adam ǵana emes, birneshe adam júrgize alady. «Al bul osy jylǵy qarashada ushqyshsyz apparat ıelerin tirkeýden ótýdi mindettegen AQSh-tyń Federaldyq azamattyq avıatsııa basqarmasy úshin eleýli problemalar týdyrýy múmkin», delingen basylymda. Birneshe adam basqaratyn ushatyn apparattyń ıesin esepteý múmkin emes, budan basqa bul dronnyń qaýipsizdigine de kepildik bermeıdi.
«Popular Science» atap ótkendeı, bul apparat iri sharalarda túsirilim, selfı jasaı alady, alaıda birden birneshe adamnyń basqara alýy onyń apatqa ushyraýyna sebep bolýy múmkin.
