Twitter habarlamalardaǵy sımvoldyń shekti sanyn eki ese kóbeıtpek
ASTANA. QazAqparat - Twitter áleýmettik jelisiniń mamandary 280 sımvol kólemindegi habarlamany ornalastyrýǵa múmkindik beretin jańa fýnktsııany synaqtan ótkizýde. Bul jaıly kompanııanyń resmı blogynda seısenbide jarııalanǵan málimdemede aıtylǵan, dep habarlaıdy TASS.
Onda Twitter-diń negizinen aǵylshyn tilinde jazatyn kóptegen paıdalanýshylaryna qazirgi kezde habarlamalarǵa bólingen 140 belgi lımıti qolaısyz bolyp otyrǵany aıtylady. Mıkroblog basshylyǵy búkil dúnıedegi adamdar Twitter arqyly pikirin erkin baıandaý múmkindigine ıe bolýy úshin tynymsyz eńbek etýde, osy baǵytta olar 280 belgiden turatyn habarlama jobasyn synaqtan ótkizýde.
Bul jańalyq japon, qytaı, koreı tilderine qoldanylmaıdy, óıtkeni bul tilder onsyz da oıdy az ǵana sımvolmen bildirý múmkindigine ıe.
Blogtaǵy habarǵa sáıkes, qazirgi tańda osy fýnktsııa paıdalanýshylardyń «shaǵyn tobyna ǵana» qoljetimdi. Onyń búkil aýdıtorııaǵa qashan engiziletini týraly málimet joq.
2006 jyly qurylǵan Twitter-di búkil dúnıe júzinde 320 mln-ǵa jýyq adam belsendi paıdalanady. Bul kórsetkishimen ol ınternettegi tanymal resýrstardyń qatarynan kórinip otyr.
